İsrailin Afula şəhərində “Qarabağ tələsi” adlı kitab təqdim edilib

İsrailin Afula şəhərində 20 Yanvar faciəsinin 33-cü ildönümü ilə əlaqədar israilli jurnalist David Konun “Qarabağ tələsi” adlı kitabının təqdimat mərasimi keçirilib.
📌 https://t.co/Z88OBVLIku #BlackJanuary #20January1990 pic.twitter.com/L0ZW81OT1y

— Azerbaijani Diaspora (@DiasporaAz) January 19, 2023

2023

İsrailin Afula şəhərində “Qarabağ tələsi” adlı kitab təqdim edilib

İsrailin Afula şəhərində 20 Yanvar faciəsinin 33-cü ildönümü ilə əlaqədar israilli jurnalist David Konun “Qarabağ tələsi” adlı kitabının təqdimat mərasimi keçirilib.

Diasporla İş üzrə Dövlət Komitəsinin dəstəyi və “Azİz” İsrail-Azərbaycan Beynəlxalq Assosiasiyasının təşkilatçılığı ilə baş tutan tədbirdə Afula şəhərinin vitse-meri Boris Yudis, şəhər şurasının üzvü Gennadi Kipnis, bələdiyyənin əməkdaşları və Azərbaycan diasporunun fəalları iştirak ediblər.

Vaxtilə Bakıda yaşayan jurnalist David Kon (Vadim Korş) bildirib ki, kitabda Dağlıq Qarabağ münaqişəsinin başlanma səbəblərindən, hadisələrin 1990-cı ilin 20 Yanvar faciəsinə gətirib çıxarmasından bəhs edilib. Nəzərə çatdırılıb ki, həmin dövrdə Azərbaycanın əzəli torpaqlarını ələ keçirmək və mənimsəmək məqsədi güdən erməni separatçıları yüz minlərlə azərbaycanlını Ermənistandan və Dağlıq Qarabağın bəzi rayonlarından qovmuşdular. Bakıda baş verən dəhşətli gecəni təsvir edən müəllif qeyd edib ki, əgər o dövrdə Heydər Əliyev kimi güclü siyasətçi hakimiyyətdə olsaydı, Azərbaycanda belə cinayət törədilə bilməzdi. Bakıda yaşadığı və fəaliyyət göstərdiyi dövrdən danışan müəllif deyib ki, Azərbaycandakı yəhudilər istər karyeralarında, istərsə də məişətlərində heç bir sıxıntı çəkməyiblər və təzyiqlərə məruz qalmayıblar.

Tədbirdə çıxış edən “Azİz” İsrail-Azərbaycan Beynəlxalq Assosiasiyasının prezidenti Lev Spivak bildirib ki, sovet rəhbərliyinin 1990-cı ildə Bakıda törətdiyi Qanlı Yanvar hadisəsi ölkəmizin suverenliyinin və müstəqilliyinin qarşısının alınmasına yönəlmişdi. Xatırladıb ki, faciə qurbanları arasında müxtəlif millətlərdən olan günahsız insanlar, o cümlədən 3 yəhudi də olub. Təcili tibbi yardım xidmətinin həkimi Aleksandr Marxevka yaralıları xilas etməyə çalışarkən, Yan Meyeroviç qonşusunu hava limanına apararkən, 16 yaşlı yeniyetmə Vera Bessantina isə pəncərənin yaxınlığında olarkən güllələnib. Onlar həmin gecə qətlə yetirilmiş 179 dinc sakinlə birlikdə Bakıdakı Şəhidlər Xiyabanında uyuyurlar.

Tədbir çərçivəsində 20 Yanvar qurbanlarının anım guşəsi təşkil edilib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/israilin-afula-seherinde-qarabag-telesi-adli-kitab-teqdim-edilib-2194

İsrailin Afula şəhərində 20 Yanvar faciəsinin 33-cü ildönümü ilə əlaqədar israilli jurnalist David Konun “Qarabağ tələsi” adlı kitabının təqdimat mərasimi keçirilib.
📌 https://t.co/Z88OBVLIku #BlackJanuary #20January1990 pic.twitter.com/L0ZW81OT1y
— Azerbaijani Diaspora (@DiasporaAz) January 19, 2023